ياسمين عز تعود لإثارة الجدل: "اعملي تراميسو لجوزك قبل اللانش بوكس"

أعادت الإعلامية ياسمين عز الجدل إلى الساحة من جديد خلال حلقتها الأخيرة من برنامجها كلام الناس المذاع عبر شاشة MBC مصر، بعد أن وجهت نصائح مثيرة للزوجات بشأن الاهتمام بأزواجهن بنفس القدر الذي يقدمنه لأبنائهن، معتبرة أن الرجل "أولى بالرعاية والاهتمام".

 قالت عز: "النهارده إجازة، وولادك مرحوش المدرسة، قومي اعملي لجوزك تراميسو زي ما بتعملي لولادك لانش بوكس.. الراجل له حق زيهم ويمكن أكتر."

 وأضافت: "جوزك نزل يصلي الصبح وملقاش جلبيته متكوّية.. هو مش متجوز؟ لازم تهتمي بيه زي ما بتهتمي بولادك."

الإعلامية واصلت حديثها مهاجمة ما وصفته بإهمال بعض الزوجات لأزواجهن على حساب الأبناء: "بتحطي لابنك نص فرخة كاملة، وجوزك ما بيلاقيش حتى سندوتش جبنة بخيار.. هل ابنك صنايعي في ورشة عشان ياخد الأكل كله، وجوزك اللي شايل البيت ملوش نصيب؟"

وختمت عز حديثها بدعوة صريحة، قائلة: "الراجل مش محتاج غير اهتمام.. لو بتقدري تعملي مجهود كبير عشان عيالك، يبقى جوزك أولى هو اللي بيصرف وبيشقى، فلازم يلاقي نفس الرعاية."